Macja dhe miu

Në parehati dhe në ankth të vazhdueshëm nga molla e Adamit jashtëzakonisht e dalë, − burim përqeshjesh të tepruara, − katërmbëdhjetëvjeçari Joakim Malke bën çmos që të fitojë aftësi e shkathtësi të reja fizike, për të zhvendosur vëmendjen e bashkëmoshatarëve të tij. Ai kthehet në atlet dhe në zhytës me aftësi të pazakonta dhe, brenda pak kohësh, njihet nga shokët e tij si Malkja i Madh. Pavarësisht ëndrrës për t’u bërë kloun, ai përfundon duke u bërë hero, i dekoruar nga ushtria naziste për merita të veçanta në luftë. Por, nga ana tjetër, këto veprime të çuditshme të Malkes nxjerrin në pah errësirën që ka krijuar dhuna naziste, lufta dhe pasojat e saj në zemrat e një kombi. Me një përzierje delikate të humorit dhe të fuqisë së rrëfimit,

Macja dhe miu na e kthen edhe një herë vëmendjen në qytetin e Danzigut. Macja dhe miu u botua për herë të parë në vitin 1961, dy vjet pas kryeveprës Daullja prej llamarine. Këto dy vepra, së bashku me romanin Vite qeni, plotësojnë Trilogjinë e Danzigut, veprën monumentale të Gunter Grass-it, që i dha atij çmimin Nobel në letërsi.