Përralla të zgjedhura

Përrallat e zgjedhura të shkrimtarit Bedri Dedja përmbledhin ngjarje e histori shqiptare më shumë se njëshekullore, të cilat gjyshërit i tregonin dikur pranë oxhakut, ndërkohë që flokët e dëborës përkëdhelnin xhamat e dritareve, kur jashtë turfullonte era e acartë e dimrit.

Këto përralla nisin me aventurat e Qerosit dhe vëllezërve të tij e vazhdojnë me shpatat e arta të komitëve që luftonin bajlozët e zinj, me historinë e plakut grindavec e mrekullitë e veglës “gërshëron”, me aventurat e furçës së dhëmbëve dhe të sapunit e me shumë ndodhi që kapërcejnë male, fusha, lumenj e liqene… deri në zbulimin e kopshtit të diktatorit gjigant.

Na ishte njëherë… e përgjithmonë.